Os da Ría - Clube de Fans

Miguel Delibes que ben escribes !!

2010-01-11T13:12:00.003+01:00

Miguel Delibes
que ben escribes,
como describes a túa terra natal
que é España
coas súas fronteiras
coas súas mulleres
e os seus trenes con literas
ui que pasada
non entendo nada
pero me encanta a túa maneira de narrar
Miguel Delibes
non nos caes nada mal

Primeiros vídeos de o Chin Chín por Os da Ría

2010-01-11T01:22:00.005+01:00

Algunhas de as nóscolas fixemos con os nosos mobiles pequenas e humildes tomas da noite histórica e histérica que vivimos o pasado venres, en o primeiro grande concerto de despedida con o que Os da Ría obsequiaron as duascentas almas que alí se congregaron.

Un concerto que, malia deixar fora alguns grandes temas como O Mojo Lacón, Leva`n un E, Meri Onde vas? ou Hoxe é un día distinto, o día do viño tintom deixou momentos senlleiros como o deste brinde final.

Chinchín por os da Ría !!!

Derradeira Mensaxe de Aninovo de Os da Ría

2010-01-01T12:42:00.001+01:00

A mover as cadeiras !!!

2010-01-01T12:39:00.001+01:00

En fin, despídense Os da Ría

2009-12-23T12:58:00.002+01:00

O día 8 de Xaneiro, en a Sáa Nasa daremos a despedida a máis de 12 ans de ledicias e cantarelinhas, en fin, ao cabo, semella que os rumores eran certos.

Os da Ría seguen VIVOOOOOS!!!

2009-08-18T17:00:00.026+02:00

E para mostra, aquí van algo máis de media ducia de fotos que dan fe da súa presenza na despedida de tempada na compostelá Saa Nasa!!!

Os da Ría poderían separarse nas próximas semanas

2008-06-09T22:36:00.003+02:00

Na foto, Arturito e Fabián separados por Mónica Castaño con claros síntomes de enfado

Segundo sabemos as tensións entre Arturito e Fabián, que xa se manifestaron en público nalgunha das últimas actuacións, con ataques personais e cruces de acusacións entre os músicos de a banda, están a minar a saúde do grupo que se plantexa, de non atopar unha pronta solución aos seus problemas, unha inminente separación.
Segundo soubo a redactora desta información, as tensións son máis ca evidentes entre os artistas, e son cada vez máis frecuentes as saídas de ton e os insultos cruzados ao remate das actuacións, como puido verse en o paseo central da Alameda de Santiago, co gallo da festa das letras o pasado 17 de maio, ou na última Ultranoite en homaxe a Jhon Balan, onde incluso chegaron a suspender a actuación que tiñan prevista.

Polo momento, Os da Ría suspenderon os seus próximos concertos e non hai citas fixas no calendario en as que poder velos en directo e comprobar se estos rumores son certos.

Ainda que o intentamos por todos os medios, foi imposible acadar resposta algunha por parte dos membros de o grupo ou da empresa de representación que xestiona as súas contratacións. A dirección artística e a encargada de comunicación do grupo declinaron tamén facer comentarios ao respecto.

Escolle a túa canción favorita

2007-12-19T16:06:00.000+01:00

Á falta dun disco de panxoliñas d'Os da Ría, que tanta falta nos fai para un Nadal coma este, no Clube de Fans non queremos aburrirnos nin que vos aburrades así que pensamos en facer unha posta en común da canción dos nosos 'chicos' que sexa a vosa favorita. De entrada o Clube propón unhas cantas, pero podes engadir aquela que quedara fóra da nosa lista.

Cóntanos que canción prefires!!

- Infanta Elena
- Bicos
- Virando louco
- Cando fas pop

Lembrades que Os da Ría actuaron en Ponteareas?

2007-11-27T13:47:00.001+01:00

Pois si... hai por aí embaixo unha entradela na que se fala dun fantástico espectáculo que ía ter lugar en Ponteareias, no Salón Parroquial. Xa choveu eh!! (como din na aldea) Pois agora, aínda... si xa sabedes que estes da Ría viven nun sinvivir e nun nonparar... e na aborixe diaria non damos sacado tempo para tantas cousas como habería que faguer.. Agora, dicía, chegan as afotos da 'festa' de logo da fantástica actuación, non podía ser doutro xeito, e en breve (agardamos) haberá tamén un vídeo, ou audiovisualiño, da propia actuación...

(Na imaxe que compaña estas liñas: Fabián e Arturito pouco antes do comezo da actuación)

Velaquí temos o guapísimo Arturito pouco antes de subir ao escenario

De novo, pero xa rematada a actuación na que Arturito homenaxeou o performer 'O Sobrado de Abadín' e recitou en orde alfabética os concellos galegos

Para as fans de Fabián vai tamén unha instantánea do cantante desenvolvendo labores de trénico audiovisual antes de actuar

Xa máis fatigado pola actuación, a festa de despois e a noite de Ponteareas

Unha imaxe que fará que todas e todos vos arrinquedes os pelos da envexa. Fan-Lara (promotora de Os da Ría en Ponteareas e creadora do documental 'Conversas con deus', intercambia impresións con Arturito

E de despedida, aquí vos deixamos tamén o trailer do fantástico Docu realizado por Lara e portagonizado polo Turi:

En SOIAREIDADE CON OS ADUAEIROS

2007-10-17T18:45:00.000+02:00

As membras de o clube de Fans de Os da Ría queremos facer público e pomposo o noso apoio aos Aduaeiros sem fronteiras pola sabia decisión de fechar a súa páxina ante as ameaziñas de demanda inoportuna e incomprensible de a Iolanda Castano ao través de o seu avogado don Pablo Carvajal de La Torre.

A vergoñenta actitude de a Iolanda resulta incomprensible e merece todo escarnio, e máis tratándose de alguén que vive, precisamente, a conta de a suposta ademiración de unha parte de esta sociedade, que demanda a súa presencia en concursos, programas de televisión, recitais financiados con diñeiro público, etcétera.

Moitas grazañas.

Aproveitamos para mandar un saudo as nosas familias e aos membros de o grupo Os da Ría con os que estaremos este venres en Ponteareas

2007-10-16T06:36:00.000+02:00

os da Ría en Ponteareas

Queridos e queridas tódolos e tódalas: o xenial grupo Os da Ría comprácese en convidárvolos ó concerto que darán no bar Salón Parroquial este venres 19 de outubro ás 23 h , en Ponteareas. o devandito lugar atópase na Rúa dos Ferreiros, no mesmo centro da vila, moi preto do mercado de abastos e o auditorio Reveriano Soutullo.
Ver mapa más grande

O acto terá lugar logo do pase do documentario "conversas con deus", da realizadora mosense Lara Bacelo.

non faltedes para enxergar os vósos cópolos ó canto de "un dous tres... Andrés".

Nasa

2007-09-24T11:18:00.001+02:00

Celebráronose os 15 anos da Saa Nasa, e alí estaba o noso clube de fans, apoiando aos incomparables heroes que vimos idolatrando desde estas páxinas.

A actuación, xeitosiña a máis non poder, que digo xeitosiña, digna dos oídos dos deuses, elixir para os tímpanos, chuvia acaramelada para o rictus, foi espectacular. Os nosos ídolos non defraudaron, as voces fluían con ánimo, a compenetración era total, o catro por catro estivo a punto de esnaquizarse de tan acompasados que estaban os sen igual, os inmellorables, OS DA RÍA.

A concentración era máxima, o silencio absoluto na saa, as cantadeliñas ben representadas, os nosos artistas totalmente compenetrados...

E cunha cantadeliña, unha bebedeliña, que a gorxa sempre afina máis cun groliño de líquido.

Enardecido polos grandes xites que interpretaban, enfervorizados ante tal capacidade pulmonar, e cheos de sede de tanto tararexar as cantadeliñas dos nosos grandes, incomparables, inconmesurables, imparables, OS DA RÍA, o público tamén aproveitou para tomar un groliño.

A Saa Nasa veuse na obriga de agradecerlle aos nosos, OS DA RÍA, a súa presenza, pois grazas a eles o local estaba a botar por fóra. E non minto se digo que contaron tamén coa presenza da grande artista alemana Lili, que malia estar perseguida polos seus innumerables fans, non puido deixar de apreciar o arte dos nosos ídolos, e alá foi, a botarse a eles, a intentar convencelos para que foran a Berlín con ela.

Auf wiedersehen, Lili, os sin par, OS DA RÍA, decidiron ficar con nós. GRAZAS, GRACIÑAS, GRACELAS

Os da Ria en o 15 aniversario de a Saa Nasa

2007-09-19T16:50:00.000+02:00

Este sábado, a Sáa Nasa de Santiago de Compostela orgaíza a súa festa de décimoquinto aniversario con 15 horas de espectáculo en vivo e en direito. Como non podía ser doutro xeito, Os da Ría estarán eilí, para vos agasallar cunha sesión vermute como tal evento meresce. A cita: ás 12:00 de a mañá en a Saa Nasa. Haberá vermute e máis tamén pinchos, e todala música e deversión de Os da Ría.

Dúas cancións para dúas mulleres fermosas

2007-09-13T11:47:00.000+02:00

Eiquín temos dous grandes videos enviados pola grandísima Teresa, a quen as membras de este clube e os membros de os da ría manifestan decotío grande ademiración e agradecemento.

Foi xa hai uns meses, pero puidemos velos así de puros, así de sinceiros, en a Festa Arredemo, no Teatro Principal de Santiago de Compostela. Entre outros interpelaron estos dous fantásticos temas: Infanta Elena

e como non pode ser de outro xeito, a Galicia está sempre en os corazóns de Os da Ría. Prémelle e desfruta do Caramba que guapa estás, Galicia

...por que a xente vira louca con OS DA RIA?

2007-09-12T12:45:00.000+02:00

.... se teñen unha cara do máis normal, sen hipnotizar nin nada:

Seguimos virando louc@s con OS DA RÍA!!!

2007-09-12T12:00:00.000+02:00

Celebrouse a festa da rúa de abaixo... non sei abaixo de qué pero quedoume claro que non era ni a de arriba, nin a do medio, nin a do olvido, nin a dos suspiros, nin a de sal si puedes... era esa, a única, a de abaixo. Como únicos son os nosos ídolos que demostraron a súa capacidade para deixar a pel no escenario:

Es máis fóra del:

¡Canta cantadeliña hai neses teus ollos!

E a tal ver, tralas cantadeliñas, despois de facer vibrar ao público, de amansar os ruxidos das feras e altas esferas que amenazaban con varrelos do mapa, suspirando, suplicando, quedando medios calvos algúns, medias sen medias as outras, toleando todos, ata escoitar o seu grande xite BICOS, BICOS... co que... digamos que cambiou a tónica de comportamento das masas e os contactos entre as feras e as altas esferas se fixo máis labial...

O movemento fan traballou arreo para poder saciar a sede de tanto contacto, ... verbal?.... como podedes comprobar (que eu serei moitas cousas, pero mentireira non che son):

Así traballando a esgalla, inda lles quedaba tempo de derretarse todas, enteiras, por dentro, por fóra e polo medio (ía dicir por abaixo, polo da rúa, pero pareceume que podía quedar feo... por certo, ademais de nós, hai máis nenos que lean esta páxina?).

E así, non sabemos se en casta santidade ou non, as fans derretían, como diciamos, por onde podían, xa desaforadas por lucir os únicos, irrepetibles (e tamén irreparables) autógrafos que tantas horas de tolemia, empuxes, agarradelas e caedelas (e algunha outra discutidela) lles tiña custado conseguir:

Esto no es lo que parece, que sempre di o que sabe que parece o que é:

Os rapaces, cativos, pequenos, santos, sinceros, sempre eles tan prudentes na súa sinceridade, tan delicados nos seus oídos, con tanto tacto, con tan bo gusto, con tanta disposición, animaron tamén aos nosos ídolos como demostra este documento gráfico que non é o que parece:

E animados por tanto bico, tanta cantadeliña, e tanto despiporre, houbo algúns, sensatos, que pensaron que o mellor era unha chiscadeliña e ir ver se lles caera algo debaixo do palco... esta xa será outra historia.

ANUNCIO

2007-09-07T01:04:00.000+02:00

Como agente de prensa que soy les debo una explicación, y esa explicación que les debo se la voy a dar... ejem... eu quedei de facer isto antes, así que creo que xa vai algo a destempo:

FESTA DA RÚA DE BAIXO

13:20 hras: actuación de "OS DA RÍA", Os grandes, os sen rival, os inigualables, os que podían ser importados pero parecen ser do país..... os ... os... os........ OS DA RÍA!!! e o seu clube:

S.O.S. Courel....

2007-09-07T00:48:00.000+02:00

Os da Ría estiveron alí, dándoo todo no Courel, facendo gozar aos asistentes coa variedade, orixinalidade, trascendentalidade e divertimento das súas letras. Aquí segue un documento gráfico que reflicte o éxito da súa inigualable actuación:

De máis está dicir que todo aquel ou aquela que goste dos nosos heroes e queira ter máis documentos gráficos deles non ten máis ca botar unha chamadiña a esta páxina para que se cumpran os seus desexos, ou no seu caso, Asubiar :-)

Vira Louco con Os da Ria

2007-07-23T13:43:00.000+02:00

Prémelle e escoita o grande xite de Os da ría versioando ao grande Andrés Dobarro. O grande aporte de o noso grupo ao disco Manifesto Dobarrista (www.dobarrismo.com) Todo un denantes e un despois.

Máis afotiños

2007-07-17T11:51:00.000+02:00

Dende a Xunta Directiva do Clube de Fans de "Os da ría" temos o pracer de ofrecervos máis fotos e vídeos, para que disfrutedes da beleza, a elegancia e o saber estar destes nosos ídolos.

Comunicarvos tamén que xa podedes escoitar o politono BICOS (pinchando na marxe dereita do blog), e en pouco tempo presentaremos a grande variedade de productos "merchandaisin".

Grazas polos centos de correos, chamadas e cartas recibidos de todas as partes de mundo, apoiando o nacemento de este Clube do que Galiza estaba tan falto.

A Secretaria

Os da ria xit en O Courel

2007-07-16T12:45:00.001+02:00

unha outra fan envia este video tirado dunha performance espontánea dos xenios creadores de Os da ría, para goce e desfrute de todas as e de todos os

Arturito e Fabian saudan ao recen nado Clube

2007-06-28T12:12:00.000+02:00

Apañamolos en o Hotel NH recén vindos dunha sesta e denantes de partir para un un bolo en Viana, do bolo, e foron tan maxos de nos enviar unhas apértolas.

Formalización do clube

2007-06-28T09:03:00.000+02:00

Onte realizouse a primera mesa de traballo do Clube de fans de "Os da Ría". Como vos infomábmos na convocatoria celebrouse nas instalación do NH (agradecemos o trato e atención recibido por todo o persoal).

Foron moitísimas as asistentes, desbordando as previsións da organización, e moitos os apoios chegados por correo electrónico e teléfono, disculpando a asitencia ben por motivos laborais ou profesionais. Entre elas Carmen dende Tarifa, Conchi dende Barcelona, María, Blanca, Mónica e María Malpica, e un montón dos que xa non lembro.

Na primeira reunión de traballo formalizouse o clube, douselle o visto bo o blog provisional (pretendese ter unha leira en ARREDEMO ... eles o merecen). Tamén foi elexida en asamblea democrática a Xunta Directiva do Clube, do que vos mandaremos en breve unha foto e a disposición dos cargos.

Esto é todo dende a parte formal, pero témosvos unha ""sorpresa"", que esperamos poder ofrecervos o longo do día, aquí neste o voso blog.

Na imaxe a foto de grupo de a xunta diretiva nesta primeira xuntancia fundacioal

A Secretaria

Xa temos as primeiras imaxes de os nosos afamados

2007-06-27T19:22:00.000+02:00

Veleiquí tedes ao Fabián
Andamos á pescuda de máis fondos documentais. Polo de agora eiquí van tres imaxiñas: a voz afervoada de o Fabián, só igualada polo seu movemento de cadeira.
Ao Arturito en plena apoteose, a súa sensibilidade é tan senlleira como o seu movemento de perna.
E o bo de Suso ao pián con as súas mans. Andamos a pescuda de as imaxes de o Olite e de os membros todos a unha. Regocixaivos con o que hai A asemblea fundacional do clube de fans agradece a Galiza Independente a libre cesión das imaxes.

Reportaxe Fotográfico

2007-06-27T09:59:00.000+02:00

Estamos a espera de ter unhas afotiños que colgar. Solicitámoslles os compoñentes da banda ou a aqueles que teñan afotos (xa sexan comprometidas ou non) fagan o favor de axuntalas ó correo do Clube - clubedefansdosdaria@gmail.com.

Imos ver si entre tod@s lles facemos un álbum do que estén ben orjullosos os nosos rapaces.

A Secretaria

Convocatoria

2007-06-25T18:40:00.000+02:00

Dende aquí queremos convidar a todos aqueles que adoecen pola gran banda "Os da Ría" a que formen parte do seu Clube de Fans.

A primeira convocatoria será na cafetería do NH (enfrente do Auditorio) o próximo mércores 27 as 7 da tarde. Para os que non poidades asistir farémosvos un pequeno resumo do acontecido alí (de todo o que se poida contar, por suposto), e de como queda constituido este Clube do que tan falto estaba Galiza.

A Secretaria